તુ ગમે છે એટલે તારી દરેક વાત ગમે છે,
તારા વિનાની એ વિરહની રાત ગમે છે...
ઝંખે છે મન પણ એ જૂના વિવાદને ,
જાણી જોઈને કરેલી એ અધૂરી વાતને...
ને અચાનક સ્પર્શી ગયેલા એ હૃદયના સ્પંદનો,
મૌન રહીને સાથે લીધેલા આપણા એ નિર્ણયો...
સઘળું ય સચિત્ર યાદ છે, આ ના કોઇ ફરિયાદ છે,
એક હૈયા એ હૈયા ને હેતથી કરેલો સાદ છે...
મને વારંવાર વાગોળવી એ તારી યાદ ગમે છે,
બસ તું ગમે છે એટલે તારી દરેક વાત ગમે છે....
- નિયંતા સતિશચંદ્ર ભટ્ટ
No comments:
Post a Comment